हिउँदको बकाइनो र पालुवा

हिउँदको बकाइनो र पालुवा

प्रेमको सम्बन्धमा अली
पुरातनपन्थी र एकलकाँटे सोच राखौं -
प्रेमी ठुलो रुख झैं हुन्छ,
डाँठ भएको, हाँगाबिँगा पलाएको
तर उजाड हुन्छ - हिउँदको बकाइनो जस्तो ।
उता प्रेमिका पालुव सारी हुन्छे,
हाँगाबिँगामा टुसाउन सक्ने
चिल्ला पात पलाउन सक्ने
फुल्न सक्ने ।
उजाड बकाइनो वसन्तको प्रतिक्षामा
पालुवा समिप पुग्छ,
पालुवा कहीले हाँस्दै र कहीले लजाउँदै
आश्वासन दिन्छे -
'पर्खी राख, म आउने छु,
यो शिषिरमा म फूल्ने छु' !

(आनन्द राज देवकोटा, ९ चैत २०६९ )