अभाव

अभाव

अभाव

लक्ष्यको,

सोचको,

दुर-दृष्टिको,

सपनाको,

आँट साहसको,

र अभाव

कर्मको !

अभाव

ज्ञानको,

विज्ञानको,

अध्ययनको,

चेतनाको,

र अभाव

ज्ञानज्योतिको !

अभाव

दायाको,

करुणाको,

प्रेमको,

मानवताको,

नैतिकताको,

र अभाव

धर्मको !

अभाव

सम्यक् दृष्टिको,

सम्यक् वाक्को,

सम्यक् भावको,

सम्यक् कृयाको,

र अभाव

बुद्धत्वको !

(आनन्द राज देवकोटा, १ जुलाई २०११)

http://www.artnindia.com/wp-content/uploads/2013/06/IMG26a.jpg

असार र जिन्दगी

असार र जिन्दगी

खरानी र कालो रंग सम्मिश्रित
फुस्रो र धुम्मिएको आकाश
निरन्तर चुहिएको छ
थोपा थोपा

साना ठुला

एक तमासको स्यार्ररर 

रुखका पात माथि

टिनका छाना माथि

र्-यालमा चिप्लिँदै गरेका चिप्ले किरा उपर

खुड्किलो उक्लन नसकेका भ्यागुता माथि

व्यक्तीका आकांक्षाहरु उपर 

बन्दै गरेका बालुवाका स्वप्नमहलहरुमा 

भिजेका मनलाई अझै रुझाउँदै

ठिहिरिएका आशालाई अझै चिस्याउँदै

वर्ष्यो मनसुनी असार

रंगहिन जीवनका श्यामश्वेत कलेवरहरुलाई खुइल्याउँदै 

असारको झरी भ्यागुतोको झर्को लाग्दो ट्यार्-ट्यार् जस्तो,

जीवनको गति र्-याले चिप्ले किरो जस्तो, 

र

जिन्दगी हिलो पानीमा ढाडिएर फुङ्ग रंग उडेको मृत गंड्यौला जस्तो !!

(आनन्द राज देवकोटा, १ जुलाई २०११)

तास (The Playing Cards)

तास (The Playing Cards)

एक बुङ तास
५२ पत्ति
१७ मिस्सि
१७ बास्सा
१७ एक्का
र, 
जोक्कर १ !

(आनन्द राज देवकोटा, जुन ०५, २०११)